یاریزانی بۆكسێن حەبیب كێیە؟


ئاماده‌كردنی؛ بــژار عوســـمان ئه‌حمه‌د
له‌دوای ئه‌وه‌ی یاریزانی به‌ڕه‌گه‌ز ڕوسی موسڵمان (حه‌بیب عه‌بدولمنعم نۆرماگۆمیدۆڤ) توانی له‌ یاری كۆتایی پاڵه‌وانییه‌تی UFC 229 به‌ سه‌ر ڕكابه‌ره‌ سه‌ر سه‌خته‌كه‌ی (كۆنۆر مه‌كگۆر) سه‌ركه‌وێت. ئه‌مەش ده‌نگدانه‌وه‌یه‌كی زۆری له‌ جیهانی ئیسلامی و وڵاتانی ئیسلامی و وه‌رزشوانان دروستكرد. به‌تایبه‌تی به‌هۆی هه‌ندێ كرده‌وه‌ و لێدوانی نه‌شیاوی كۆنۆر مه‌كگۆره‌وه‌ كه‌ هه‌وڵیدا به‌ جنێودان به‌ ئاینی پیرۆزی ئیسلام و جنێودان به‌ كه‌س و كاری یاریزان حه‌بیبه‌وه‌ ویستی لایه‌نی ده‌رونی ئه‌م پاڵه‌وانه‌ تێك بشكێنێت. بڕوانه‌ (كليك ليره بكه)
له‌سه‌ره‌تای ڕیكلامی یارییه‌كه‌ و له‌ نمایشی یاری كۆتاییدا به‌ده‌ركه‌وت هه‌موو جوله‌كانی كۆنۆر و حه‌بیب نیشانی ده‌دا، كه‌ كۆنۆر چه‌نده‌ وره‌ی شكابوو به‌رامبه‌ر یاریزان حه‌بیب و له‌هه‌مان كاتیش دا حه‌بیب به‌ وره‌یه‌كی پۆلاینه‌وه‌ لیدوانی ده‌دا و روبه‌روی قسه‌كانی ئه‌و ده‌بۆوه‌، هه‌روه‌كو له‌ چه‌ند لێدوانێكی حه‌بیه‌وه‌ ده‌رده‌كه‌وێت به‌ هانده‌رانی كۆنۆر ده‌لێت "الحمدلله ده‌زانم ئێوه‌ ئه‌و وشه‌یه‌تان حه‌ز لێ نییه‌، الحمدلله .. به‌یانی ئێواره‌ ده‌یبینن یاریزانه‌كه‌تان چۆن تێك ده‌شكێنم! الحمدلله" بڕوانه‌ (كليك ليره بكه)
له‌ شوێنه‌كیتردا له‌ چاوپێكه‌وتنێكیتر دا ده‌لێت " پێیان ده‌گوتم سه‌یری ناو چاوی ئه‌و نه‌یاره‌ت مه‌كه‌، ده‌ڵێ كاتێ سه‌یرم كرد زانیم ئه‌و هیچ نییه‌، ئه‌سله‌ن فكرم كرده‌وه‌ چۆن ده‌توانێ 25 ده‌قه‌ له‌گه‌ڵ من شه‌ڕ بكات !!" بڕوانه(‌ كليك ليره بكه)
به‌ڵام ئه‌وه‌ی جێگه‌ی سه‌رمج بوو ئه‌م یاریزانه‌ له‌ناویاریگادا ڕۆڵی خۆی بینی و به‌ڵینه‌كه‌ی خۆی برده‌ سه‌ر و توانی به‌دریژایی یارییه‌كه‌ به‌سه‌ر نه‌یاره‌كه‌یدا زاڵ بێت، له‌گه‌ڵ ئه‌وشه‌دا دوای سه‌ركه‌وتنی له‌یارییه‌كه‌، ئه‌وا په‌لاماری هانده‌رانی كۆنۆر ی دا. بڕوانه‌ (كليك ليره بكه)
پێده‌چوو كێشه‌یه‌كی هه‌بێ له‌گه‌ڵ هانده‌رانی ئه‌و، هه‌ربۆیه‌ له‌ پرێس كۆنفڕاسی دوای یارییه‌كه‌دا ئاماژه‌ی بۆ هۆكاری هێرش كردنه‌ سه‌ر هانده‌ران كرد و گوتی "ئه‌وه‌ی من كردم دووره‌ له‌په‌روه‌رده‌ی من وباوكم وا په‌روه‌رده‌ی نه‌كردووم هه‌ندێ كاریش ئه‌وان كردیان كه‌ ڕاگه‌یاندنه‌كان گه‌وره‌یان ده‌كرد، تۆ بۆت هه‌یه‌ و ئاساییه‌ دژایه‌تیم بكه‌ی له‌ یاریدا و بمشكێنی، به‌ڵام ئه‌مه‌ت ڕێگه‌ پێناده‌م جنێو به‌ باوكم یان كلتورم یان ئاینم بدرێت ، كه‌ ئاینی ئیسلامه‌! چونكه‌ هه‌مومان پیرۆزی خۆمان هه‌یه‌ و هه‌مو كه‌سێكیش له‌سه‌ر پیرۆزیه‌یكانی سنوری بۆ به‌رامبه‌ری هه‌یه‌، له‌گه‌ڵ ئه‌وه‌شدا داوای لێبوردن ده‌كه‌م له‌وه‌ی ڕویدا" بروانه‌ (كليك ليره بكه)
خودی ئه‌م بردنه‌وه‌یه‌ و ئه‌م كاردهانه‌وانه‌ی یاریزان حه‌بیب ده‌نگدانه‌وه‌ی له‌ناو یاریزانانی بۆكسێن و موسڵمانا هه‌بوو، ئه‌مه‌ش وایكرد هه‌ر ه‌لماوه‌ی ئه‌م سێ رۆژه‌دا زۆرترین سێرچ له‌باره‌ی حه‌بیبه‌وه‌ له‌ ئینته‌رنێت بكرێت.. لێره‌وه‌ش خه‌ڵكانێك كه‌وتنه‌ پرسیاركردن له‌باره‌ی ژیانی ئه‌م یاریزانی و ناوه‌كه‌ی، كه‌ هه‌موو ده‌پرسن ئایا ئه‌مه‌ ناوی (حه‌بیب)ه‌؟ یان (خه‌بیب)؟.. بۆ وه‌ڵامی ئه‌مه‌ش بێگومان ده‌ڵێین "به‌ڵێ ئه‌م یاریزانه‌ ڕوسییه‌ موسڵمانه‌ ناوی حه‌بیب ه‌"، به‌ڵام ناوه‌كه‌ی بۆچی به‌مشێوه‌یه‌ ده‌نوسرێت؟ چونکە له‌ زمانی ڕوسی دا لە ئاماژه‌کردن بە بیتی ح ئەوا پیتی کەی ئێچ (Kh) ده‌نوسرێ واتە ، كاتێك ده‌نوسرێت حه‌بیب، ئه‌وا ده‌نوسرێ خه‌بیب (Khabib) هه‌ر بۆ ئه‌مه‌ش له‌پێشتردا من ئه‌و پرسیاره‌م له‌باره‌ی ڕینوسی ناوی ڕوسییه‌وه‌ له‌ مامۆستایه‌كم كرد، كه‌ خه‌ڵكی ڕوسیایه‌ و له‌ ئەسڵدا ناوی (ئەلمیرا ئەحمەدۆڤا)یە، بەڵام كاتێ ناوه‌كه‌ی به‌ ئینگلیزی ده‌نوسین خۆشی هه‌ر ده‌نوسێ (ئه‌لمیرا ئه‌خمیتۆڤا)!، ئه‌ویش گوتی ئێمه‌ هه‌میشه‌ له‌جیاتی ئاماژه‌ كردن به‌ پیتی (ح) ئه‌وا پیتی (خ) ده‌نوسین، هه‌روه‌كو چۆن له‌زمانی توركیدا ناوی (ئه‌حمه‌د) پاشگره‌كه‌ی ده‌گۆرێ بۆ (ئه‌حمه‌ت) ته‌نانه‌ت بۆ پاشگری (ۆڤ) و (ۆڤا) پرسیارم لێكرد و ئاماژه‌یدا به‌وه‌ی كه‌ پاشگری (ۆڤا) بۆ ناوی مێینه‌یه‌ و پاشگری (ۆڤ) بۆ ناوی نێرینه‌یه‌، ئه‌گه‌ر سه‌یری ناوی روسیه‌یكانیش بكه‌نی ده‌بینین، وه‌كو ره‌سولی هه‌مزه‌تۆڤ، بریماكۆڤ، حه‌مه‌دۆڤ، ئه‌حمه‌دۆڤ..هتد. هه‌ر بۆیه‌ ناوی ئه‌م یاریزانه‌ش ئه‌گه‌رچی به‌ (خه‌بیب) ده‌نوسرێت، به‌ڵام له‌ ئه‌سلدا (حه‌بیب)ه‌.
حه‌بیب نۆرماگۆمیدۆڤ: له‌دایكبوی 20-9-1988 ی وڵاتی ڕوسیایه‌، واته‌ خه‌ڵكی گوندی (سیلدی) له‌ كۆماری داغستان ی سه‌ربه‌ ڕوسیای سۆڤیه‌ته‌. ئه‌و یه‌كه‌م یاریزانی ڕوسی و یه‌كه‌م یاریزانی موسڵمانه‌ كه‌ خه‌ڵاتی ( UFC Lightweight Champion) به‌ده‌ستهێناوه‌، به‌تایبه‌تی ئه‌م سه‌ركه‌وتنه‌شی بو به‌ سه‌ركه‌وتنی ژماره‌ 27 به‌ب ێهیچ دۆڕانێك، ئه‌و له‌ته‌مه‌نی هه‌شت ساڵییه‌وه‌ ده‌ستیكردوه‌ به‌م جۆره‌ یارییه‌ و له‌سه‌ر ئامۆژگاری باوكی ئه‌م یارییه‌ی هه‌ڵبژاردوه‌. بروانه‌ ماڵپه‌ری ویكیپیدیا (كليك ليره بكه)

إرسال تعليق

[blogger]

MKRdezign

نموذج الاتصال

الاسم

بريد إلكتروني *

رسالة *

يتم التشغيل بواسطة Blogger.
Javascript DisablePlease Enable Javascript To See All Widget